المقدمة
راح نتناقش اليوم عن الصحة الجسدية والنفسية والتغييرات اللي تصير عند الشباب وايش يعرفو عن الصحة النفسية وايش يعرفوا عن الخدمات الصحية المقدمة لهم.
الصحة عموما
- ايش رايكم في صحة الشباب في عمان؟ ايش هي الامراض المنتشرة عند الشباب؟
- ايش يسوو الشباب لما يمرضوا؟ وين يروحو؟ بويش توصفو الخدمات الصحية اللي تقدم للشباب؟ من وين تحصلوا المعلومات الصحية؟
- كيف اثر كورونا ع صحة الناس ف عمان؟ ايش يسوو الشباب عشان يحافظو ع صحتهم؟ ليش؟ كيف ممكن تكون الصحة احسن للشباب ف عمان؟
الصحة النفسية
- ايش تعرفوا عن الصحة النفسية؟ من وين تعرفوا عن الصحة الصحة النفسية؟ مع من تتكلموا عن الصحة النفسية؟
- تعرفوا اي حد نفس سنكم عنده مشاكل نفسية (مثل الاكتئاب والقلق واضطراب النوم وغيرها)؟ ايش تتوقعوا الاسباب اللي تخلي الاشخاص اللي ف عمركم يعانو من مشاكل نفسية؟ ايش يسوا لما يصابوا بحالة نفسية؟ من عند من ومن وين يحصلوا مساعدة؟ كيف ممكن للاخرين يساعدوهم للتحسن (مثل المدرسة الاسرة المعلمين الأصدقاء وكذا)؟
- ويش تقترحوا عشان نحسن ونساعد الشباب عشان يحصلوا خدمات نفسية زينة؟
الصحة الإنجابية
- هل سمعت عن حقوق الصحة الإنجابية للشباب؟ ما هي؟ ما رأيكم بالصحة الإنجابية للشباب في عُمان؟
- اذا كان عندك سؤال عن الصحة الانجابية (مثل سن البلوغ، النظافة عموماً والنظافة وقت الدورة الشهرية، الدورة الشهرية، الحمل، وسائل مباعدة، وإلخ) من وين تحصلوا اجاباتكم ومعلوماتكم؟ مع من تتناقشو او تسولفوا عن هالاشياء؟ كيف عرفتم عن سن البلوغ؟ ايش تحسو او ايش حسيتو لما تتكلمو عن هالمواضيع قدام شخص بالغ (مثل والديكم، طبيب)؟ عن هذي المواضيع ويين ممكن نسولف عن هالاشياء (المدرسة، الجامعة، البيت)؟ ليش؟ من يطرحها، ومع من (بنت او ولد، العمر، وغيرها) كيف ممكن تكون الانشطة لما نناقش مثل هالمواضيع؟
- اذا صارت عندكم مشكلة بالصحة الانجابية وين تروحوا او عند من تلجؤا؟ ايش رايكم في االخدمات المقدمة للشباب؟ ( هل هي مناسبة او يمكن الحصول عليها بسهولة؟ واسعارها مناسبة؟ ع حسب معلوماتكم هل تقدم المراكز او المرافق الصحية استشارات او معلومات عن الصحة الإنجابية (سن البلوغ، النظافة عموما والنظافة وقت الدورة الشهرية، الدورة، الحمل ووسائل المباعدة والخ) حال الاشخاص اللي ف سنكم او اصغر منكم؟
- تروحوا مراكز صحية او مستشفيات تسألو على خدمات استشارية او معلومات عن الصحة الانجابية؟ ليش؟ كيف لازم تكون الخدمات زينة ويقدروا يستخدموها الشباب اللي ف سنكم؟
- كيف عشت فترة البلوغ؟ كيف تعامل الاشخاص اللي حولك (اهلك، عيلتك، اصدقائك) معك في هذه او هذيك الفترة؟ تعرضت للطتنيز او عايروك او تنمروا عليك في فترة اليلوغ؟ مين ؟ وليش؟
- ويش تعرفوا عن البلوغ عند الشبان والشابات والدورة الشهرية وفترتها والنظافة؟ كيف يعيشن البنات فترة الدورة؟ كيف تأثر الدورة الشهرية على حياة البنات وصحتهن؟ كيف يتعاموا معهن الناس اللي حولهن (الاهل، العيلة، الاصدقاء) لما تكون فيها الدورة؟ هل تعتقدوا ان البنات يتعرضن للتطنيز والمعايرة والتنمر وقت الدورة؟ من من؟ وليش؟ ايش رايكم في المدرسة او الجامعة او الكلية حال البنات وقت الدورة هل عندهن خصوصية ويتعامل بشكل امن وفيها خصوصية وتحفط كرامتهن وقت الدورة (مثلا المرافق الصحية او الحمامات، الزبالات المخصصة، المواد المتاحة، هال البيئة امنه، سعرها زين، يتقلبوها اجتماعياً؟ كيف ممكن نحسن الوضع؟
- جالكم سمعتو او قريتو او ناقشتو شخص عن العمرالمناسب للزواج؟ اذا ايوا مع من ناقشتوا؟ في رايكم ايش هو العمر المناسب للزواج؟ في اي عمر يتزوجوا الشباب اللي تعرفوهم؟ ايش هي الاسباب اللي تخلي الشباب تزوجوا وهم عمرهم اقل من سنة ١٨؟ ايش رايكم في الزواج اقل من ١٨ سنة؟
مساء الخير شبان وشابات عُمان. كل عام وانتم بالف خير
شكرا على إبداء رأيكم ومشاركة خبراتكم ومعلوماتكم بما يختص بصحة الشباب عموما والصحة النفسية والإنجابية
ملخص هذا الأسبوع تطرق إلى الأمور التالية:
نحن بحاجة نسمع منكم أكثر عن الخدمات في الصحة النفسية والإنجابية التي يتوجه لها الشباب: هل هي متوفرة في كل محافظات السلطنة؟ هل من الممكن تحمل كلفتها؟ أيش رأيكم ورأيكن في جودتها؟
كيف ممكن مساعدة الشباب الي يحتاجون لخدمة للوصول إليها؟
لاحظنا كمان عدم تطرقكم لموضوع الصحة الإنجابية، عارفين ان الموضوع حساس بس هذا ما لازم يمنعكم من تعريفنا على احتياجاتكم وتجاربكم في مراحل البلوغ ورأيكم بالخدمات وبالزواج المبكر
الموضوع طبيعي ويخص كل شخص
سمعونا صوتكم لأنه بيهمنا كثير
تحياتي