المقدمة
طبعاً احنا هنا اليوم عشان نتناقش مع بعض عن موضوع التطوع والمشاركة في الأعمال التطوعية وبنتكلم بعد عن المؤسسات وعن المشاركة في الانتخابات مثل انتخابات مجلس الشورى وغيرها. وبنتكلم بعد عن كيف أن الشباب يقدروا يعبروا عن رأيهم وقيمهم بشكل عام أو بشكل خاص حتى لو كان غير عن أصدقائه.
أهدافك وكيف تحققها
- ايش هي أهدافك قصيرة المدى (أو اللي تريد تحققها خلال هالسنة او السنة الجاية)؟ واهدافك بعد ٥ سنوات؟ واهدافك اللي بعد ١٠ سنوات؟
- طيب كيف تتناسب هذه الأفكار مع تفكيرك وقيمك؟ تعتقد أنك قادر على تحقيقها؟ اذا لا ليش؟ ايش تسوي عشان تحقق اهدافك؟ ايش او من يساعدك تحقق اهدافك؟ إيش الصعوبات الي تحصلها؟
- تعرف حد ما عنده اهداف؟ ليش؟ كيف ممكن مساعدتهم عشان يحطوا اهداف لحياتهم؟ من يقدر يساعدهم؟
التطوع
- جالك تطوعت؟ (تساعد أشخاص سواء تعرفهم أو لا في شيء معين سواء كان فحارتكم أو فمنطقة قريبة منك او فعمان او برا عمان؟) خبرنا عن خبرة التطوع هذه؟ برأيك كيف نشجع الأشخاص اللي من عمرك أنهم يتطوعوا؟
المشاركة
- ايش رايك في المساحة المتوفرة للمشاركة في اتخاذ القرار؟ ايش رايك في مشاركة الشباب واللي اصغر منهم في اتخاذ القرار؟ جالك صوّت في انتخابات البلدية او الشورى او الجامعة؟ ليش؟ خبرنا عن تجربتك؟ جالك فكرت انك في المستقبل تترشح في هذه الانتخابات أو غيرها؟ ليش؟ كيف ممكن نشجع الشباب على التصويت أو الانتخاب أو الترشح للانتخاب؟
- ايش تسوي اذا رأيك م نفس رأي ربعك او اهلك او زملاءك؟ ليش تعتقد ان هالشيء يصير؟ هل حسيت او فكرت ان رأيك او قيمك مغير عن البقية؟ ايش هذي القيم المختلفة؟ ويش سويت عشان تدافع عنها؟
- جالك شفت شخص ضحية تمييز (مثلا م عطوه حقه عشان عمره او جنسه او عرقه او قبيلته)؟ ويش كان نوع التمييز؟ ويش اساب التمييز؟ ايش رايك في الاشخاص اللي يميز حد عن حد؟ ايش رايك في الاشخاص اللي يتعرضوا للتمييز؟ اذا م تعجبك اي شكل من اشكال التميز ايش بتسوي عشان نوقف هذا السلوك؟ ايش لازم الناس يسوو؟ ايش دور المؤسسات الخاصة والعامة؟
مساء الخير شابات وشبان عُمان، وكل عام وأنتم بألف خير
شكرا على مشاركاتكم هذا الأسبوع أيضا، فهناللك خبرات كثيرة ودروس مسفادة من قبلكم في مجال التطوع والمشاركة ووضع الأهداف
ملخص هذا الأسبوع بالنقاط التالية:
نتمنى أن تستمروا بمشاركتنا أفكاركم وأفكاركن الغنية والمساعدة لنا في هذا البحث وتعطونا اقتراحاتكم لكيفية مساعدة الشباب على المشاركة ووضع الأهداف والتطوع
بانتظاركم هذا الأسبوع أيضا وما تنسوا تشجعوا أصدقائكم على إبداء رأيهم ورأيهن والتشارك بخبراتهن وخبراتهم
وشكرا